Skandal në "Britain’s Got Talent": Anëtari i jurisë i puth prapanicën koleges tij (VIDEO)

E gjithë ngjarja ndodhi në talen show-in "Britains got talent", kur në skenë doli kandidatja "penzionere", 71-vjeçarja Kelly Fox e cila performoi këngën "Kiss my ass".
Gjatë performancës, pjestarja nga juria Amanda Holden ia afroi prapanicën anëtarit kryesor të jurisë, Simon Cowell, për t'ia puthur. Simon nuk hezitoi dhe e puthi në prapanicë.
Simon pyeti Amandën, "Putha prapanicën tënëd. A të pëlqeu?"
"Ishte hera e parë", iu përgjigj Amanda duke qeshur

Reagon Ermela: Joanën s’do doja kurrë ta kisha shoqe

Ndërkohë që në shtëpi pothuajse të gjithë janë kundër Joanës, Anaidi u thotë atyre se betejën me Joanën e kanë të humbur, pasi Joana do të jetë në finale. Anaidi u kujton atyre Ermelën, e cila ishte

kundër të gjithëve, nominohej çdo javë dhe në fund fitoi “Big Brother”. Mbi këtë prononcim u pyet Ermela, e ftuar në “Fan Club” dhe ajo u përgjigj se një tip si Joana nuk do donte ta kishte shoqe jashtë shtëpisë, duke lënë të kuptojë se ata të dyja nuk kanë asgjë të përbashkët dhe se Ermela nuk ka fare simpati për Joanën.
Eldora: Joana ka frikë të përballet me publikun jashtë shtëpisë
Loja që “Vëllai i Madh” i bëri Joanës, i ka bërë banorët të diskutojnë. Eldora dhe Elona kanë diskutuar për faktin se sa keq po ndihej Joana kur mësoi se do të linte shtëpinë. Eldora ishte e bindur se Joana nuk kishte aq keqardhje se do linte lojën, por ajo i frikësohej asaj se çfarë e pret jashtë. Sipas Eldorës, ajo e ndien se publiku jashtë e ka paragjykuar për veprimet e saj brenda në shtëpi, prandaj i druhet një farë ballafaqimi me realitetin jashtë.

Di Caprio e fton Rita Orën në Kanë

Pa ndonjë arsye të caktuar, aktori me famë botërore, Leonardo Di Caprio, i ka dërguar ftesë Rita Orës dhe shoqes së saj Cara Delevingne, që të jenë pjesë e premierës së filmit të tij të ri në

Kanë.
Leonardo personalisht i ka dërguar ftesë Ritës dhe mikeshës së saj të ngushtë, për premirën e filmit “Great Gatsby”. Leonardo në këtë film e luan rolin kryesor, ndërsa premiera e filmit mbahet të mërkurën në Kanë.

“Është ndoshta ftesa më e nxehtë për muaj të tërë, ata nuk do ta humbasin këtë mundësi”, ka thënë një burim pranë Ritës dhe Caras.

Ende nuk dihen lidhjet e Leonardo Di Caprios me Rita Orën, por e sigurt është se prezenca shqiptare nuk do të mungojë në një permierë të madhe filmike nga një prej aktorëve më të mëdhenj në botë.

Chris dhe Rihanna përplasen në Twitter

Tashmë është fakt se ata janë ndarë, por dy (ish) të dashuruarit vazhdojnë t’ia hedhin njëri-tjetrit fajin për ndarjen dhe akuzojnë njëri-tjetrin për tradhti.

 Rihanna nuk mori pjesë në festën e ditëlindjes së 25-të të Chris Brownit, ndërsa në po këtë festë ishte e pranishme ish e dashura e tij, Karrueche Tran. Kjo ishte edhe arsyeja pse për herë të fundit besohet të jenë ndarë Chris dhe Riri.

“Nëse unë i lë të gjithë për ty dhe ne nuk ia dalim, më ke borxh të mi kthesh të gjithë”, e filloi Rihanna luftën në rrjetin social Instagram, duke aluduar me një foto se Chris mund ta ketë tradhtuar.

Dhe, ai ia ktheu duke shkruar të premtën: “Ajo nuk është e imja, është e të gjithë të tjerëve”.

 Por, jo vetëm të premtën Chris dhe Rihanna kanë hedhur akuza ndaj njëri-tjetrit në mënyrë indirekte. Të mërkurën e kaluar në Twitter ishte Chris ai që i uroi Rihannas jetë të gjatë dhe madje e ‘bekoi’ duke i thënë se ai e ka dashur më shumë se që është dashur.

Rihanna po të njëjtën ditë (të mërkurën) u përgjigj duke shkruar: “Nuk duhet të ketë më pak se 100 përqind besim, sinqeritet dhe respekt. Dashuria nuk është për fëmijë”.

Besohet se postimi i të premtës nga Chris se Rihanna është e të gjithë të tjerëve vjen pas spekulimeve se ajo ka festuar në një ‘club’ së fundmi me ish të dashurin e saj JR Smith.

Adelina Berisha së shpejti bashkëpunim me Don Arbas

Këngëtarja nga Prishtina, Adelina Berisha, ka paralajmëruar se do të publikojë shumë shpejt edhe një këngë – bashkëpunim me reperin dhe producentin Don Arbas.

 Adelina, e cila së fundmi lansoi këngën “Tjera S’ka”, ka deklaruar për Telegrafin se ajo do të lansojë pas pak kohësh një tjetër projekt, që sipas saj do të jetë prej hiteve më të mëdha verore.

“Po, tashmë  e kam përfunduar këngën e re, që do të jetë një bashkëpunim i imi me Don Arbas. Kënga është ritmike, një lloj sikur “Party People”, por më frymuese dhe më inspiruese”, ka theksuar Adelina.

Ajo shtoi më tej se skenat provokative në klipin “Tjera S’ka” janë normale për një videoklip artistik me tematikë të tillë dhe se kritikat e ashpra janë pa vend marrë parasysh trendin e zhvillimit të industrisë muzikore shqiptare.

Don Arbas vlen të përmendet se ka kohë që ka qenë larg skenës muzikore, por me hapjen e studios së tij të re ai si duket synon të pushtojë skenën me projektet e reja në bashkëpunim me këngëtarët më prominentë të estradës. /

Joana sulmon Eldorën: I ndërron meshkujt dhe shtirret si e ndershme

Konkurrentja mjaft e përfolur në edicionin e gjashtë të “Big Brother”, Joana, duket se ndihet e rrezikuar përballë Eldorës, prandaj përpiqet ta luftojë te një pikë ku dhe publiku shqiptar mund të jetë pak më i ndjeshëm, siç është ana morale.

Ajo nuk ka lënë rast pa folur para apo edhe pas shpinës së saj, mbi faktin se Eldora është hipokrite dhe hiqet kot si e ndershme, transmeton Panorama.
Po ashtu, Joana u ka thënë djemve në shtëpi se Eldora nuk është si ajo që të paktën rri vetëm me një mashkull, por aplikon lidhjet e hapura. Edhe fakti që ka fjetur me Shpendin, sipas Joanës, tregon që ajo nuk është ashtu siç duket.

Bieber dhe Selena, vlerësues në Idol?

Justin Bieber dhe Selena Gomez mund të jenë vlerësuesit e ri të spektaklit “American Idol”, shkruajnë mediat amerikane.

Burime të afërta me spektaklin kanë thënë se producentët janë duke menduar t’i largojnë disa prej anëtarëve të jurisë për të sjellë emra të rinj, mbase disa prej më të famshmëve të momentit.
“Ka qenë një sezon pa gjallëri për Idol dhe çdokush i përfshirë në shou është mirë i vetëdijshëm nga kjo, andaj kjo është se pse producentët janë duke punuar si të marrë në kërkimin e emrave të mëdhenj për sezonin 14”.
“Ka më shumë dramë prapa skenave se sa në vetë skenën e shout, dhe kjo është ajo pse ka një ristrukturim të madh të punës”, ka thënë burimi.